【公開小說頻道】那些年，我的PTGF約會 - 她的名字叫Dorophy (第1話)

前言

====

那些年，我的第一次PTGF約會

「約會兼職女友就同扭蛋一樣」

每次都不知道會遇上咩嘢人，

正正因為新鮮感、刺激感，

我諗呢個就係吸引大家不斷約會嘅原因

「又靚、又玩得夠放、又無脾氣、無公主病

最緊要價錢相宜，到約過其他以後，才知道原來當年我算係抽中左大獎，好嘅兼職女友可遇不可求，更何況完美」

「有啲快樂係付出金錢都得唔到」

呢句說話係佢當年離開前留底。

「但當你付出金錢就能搵到你所想要嘅快樂時，

就要好好珍惜當下、珍惜眼前人」

呢句說話係我今日抱著遺憾說嘅。

正文

=====

大約幾年前，第一次喺網絡上面認識PTGF兼職女友呢樣新事物，但其實當時嚟講，已經興咗兩三年。

果陣時仲可以喺IG到搵到好多真PTGF，好多學生妹妹都願意大方交換相，以金錢換取清純約會再加一點點有限度身體接觸，例如拖下攬下，能夠和對方錫錫嘅話，好大程度上需要對方對你好有好感，仲好需要時間去溝。

約會內容都是正經的行街睇戲食飯，拖攬係基本，能否再進一步，通常就要睇閣下功力，同對方對你有無feel。

當然IG亦都夾雜左好多騙徒，亦有好多以金錢換取性交易的CC，要搵真PTGF當時唔易，但至少沒有現在般難，我目標好清晰，要找純約的PTGF，因為我比較享受過程。唔知係上天眷顧，定係自己好命，第一次喺IG約會，已經約到靚女，仲要又瘦又好小妹妹feel，好啱自己，仲記得佢個網名叫做Dorothy

講返少少自己背境，筆者Adi本身30幾歲，個子不高不矮，不肥也不瘦，正常身材，外表斯文白淨，驟眼睇仲似廿多歲，人生中拍拖次數沒10次都8次，所以我亦非「毒男」、「宅男」，當時同朋友夾份開公司，收入算唔錯，當時公司咁啱有一間無用嘅房間，大約200多呎，同朋友好快就有共識，要將呢間房打造成為party room，可以唱K、睇電影、打機、仲可以打邊爐食鐵板燒。就係咁，籌備呢間房間嘅時候，就萌生咗約Party Girlfriend呢個諗法。

仲記得娛樂房都未準備好，就已經約定Dorothy兩星期後見面，當時都會諗到，兩星期後到時候可能隨時搵唔返佢，因為IG出名時常封帳戶，亦有啲兼職女友隨時賺夠上岸，人間蒸發都時有發生。

娛樂房間由佈置、買傢俱燈飾電器梳化、搬設備，連牆身隔音棉，都由自己一手包辦，再找個朋友幫手，可以說係一手一腳打造咗一個夢工場，亦為接下來嘅約會締造了美好回憶。

講返Dorothy，同佢喺IG傾計時，大家都大方交換相，可能係一齊都開始得太美好，令我以為每一個兼職女友都必定咁完美。跟住就係約會內容。當時Dorophy俾左一張相我，關於佢個約會plan，我仍然保存到宜家。

同佢約會都係正常約會，無任何色情成份，對我而言，亦都比較享受溝女過程，多於身體享受，我選擇了$1000五小時的plan。當時期望嘅約會內容就是上我公司的娛樂室飲食和玩。如果要五小時係街上遊嚟浪湯唔知去邊。倒不如坐定定係到玩更加實際。

我同佢講出我期望嘅約會活動後，Dorothy都爽快應承咗，當時係有啲喜出望外，因為畢竟第一次見陌生人，仲要獨處，唔係個個女仔願意。

第一次約會之前，每一步都咁稱心如意，唔知係好定壞，好就係有一個美好回憶，壞就係令我以為之後約嘅每一個都應該係咁。

雖然一切都看似好美好，不過約會前，始終未見真人，點都有啲戒心。到咗約會當日，仲記得第一次見係約喺葵芳新都會的士站。

上圖是當日的男友視角

上圖是當日的「女友」視角

當日等左一陣，就見到一個著棒球外套、短裙、髮長及背嘅女仔，目測19、20歲，現實都應該只有21、22歲，遠距離已經認出了我，同我揮手，當時心想，天喲，竟然比照片仲要靚，戀愛經驗不少嘅我，第一次見面，我竟然自覺臉紅，不敢正視，感覺同中大獎沒分別，一見鐘情，對方完全係自己杯茶。

雖然自己30多歲，大佢十多年，但自己外表仍然同廿多歲年青人無太大分別，對方見到我亦都露出甜美笑容，感覺對方對自己也是相當有好感。

下回續.......